Эдийн засаг нь 21.5 хувиар агших эрсдэлтэй Япон улс хөл хорионоос татгалзав

Э.Мөнхжин | Zindaa.mn
2020 оны 05 сарын 27

Япон улс коронавирусний улмаас тогтоосон хөл хориог хугацаанаас нь өмнө цуцлаад буй. Хэдийгээр цар тахлын нөхцөл байдал дэлхий нийтээр хүнд байгаа ч эдийн засгаа сэргээх арга хэмжээ цаг алдахгүй авах шаардлагатай гэж үзсэний үндсэн дээр ийм шийдвэр гаргажээ.

Тус улсын дотоодын нийт бүтээгдэхүүн энэ оны эхний улиралд 3.4 хувиар агшсан. Цар тахлаас сэргийлж, хөл хорио тогтоосноос үүдэн хэрэглээ буурч, гадаад эрэлт саарснаар экспорт багассан нь энэ агшилтад  голлон нөлөөлжээ. НӨАТ нэмэгдсэн болон далайн хар салхины нөлөөгөөр Японы эдийн засаг өнгөрсөн оны сүүлийн  улиралд 7.3 хувиарагшаад байсан юм.

Шинжээчид хоёрдугаар улиралд уналт гүнзгийрч, эдийн засаг 21.5 хувиар агшина гэсэн таамаглалыг хийсэн юм. Тэгвэл ийм сөрөг таамаглалын араас Япон улс хөл хориог цуцаллаа.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top