Хөл хорио тогтоосноос хойш зээлийн чанар МУУДЖЭЭ

Банкуудын зээлийн өрийн үлдэгдлээс харахад КОВИД-19-ийн тархалтаас урьдчилан сэргийлж хөл хорио тогтоож эхэлсэн хоёрдугаар сараас хойш зээлийн чанар муудсан байна.

2020 оны тавдугаар сарын тайлангаас харахад нийт зээлийн:

•  84.1 хувийг хэвийн зээл
•  6.9 хувийг хугацаа хэтэрсэн зээл
•  9.1 хувийг чанаргүй зээл бүрдүүлжээ.

Энэ нь зээлийн чанар муудсан буюу нэгдүгээр сартай харьцуулахад нийт зээлд эзлэх хэвийн зээлийн хэмжээ 2.4 хувь  буурч, хугацаа хэтэрсэн зээлийн хэмжээ 1.7  хувиар өсөөд байна.

Өөрөөр хэлбэл, хугацаа хэтэрсэн зээлийн хэмжээ  нэгдүгээр сартай харьцуулахад 24.4 хувь буюу 223.5 тэрбум төгрөгөөр өсжээ.