Суурь металлуудын үнэ УРУУДАХ хүлээлттэй
Дэлхийн зах зээл дээрх металл, түүхий эдийн үнэ энэ оны эхний хагасын байдлаар огцом уналттай байна. Коронавирусний улмаас улс орнуудын эдийн засгийн идэвхжил саарч, үйлдвэрлэл буурсан нь түүхий эдүүдийн эрэлтийг бууруулж, ханшийг унагалаа. Түүнчлэн нефть экспортлогч орнуудын байгууллага (ОПЕК)-ын гишүүн орнуудын хэлэлцээр амжилтгүй болсон нь металл, түүхий эдийн үнийн бууралтад голлох нөлөөг үзүүлсэн.
Хоёрдугаар улиралд суурь металлын үнэ найм орчим хувиар, түүхий нефтийн үнэ 40 орчим хувиар тус тус унажээ. ОУВС-гийн төсөөллөөр дэлхийн аж үйлдвэрлэл огцом муудсанаас шалтгаалан суурь металлуудын үнийн индекс 2020 онд 10.2 хувиар, 2021 онд 4.2 хувиар тус тус буурах хүлээлттэй байна.
Металлын хэрэглээ өндөр салбаруудын эдийн засгийн идэвхжил илүү удаан хугацаагаар муудаж болзошгүй байгаа нь металлын үнэд голлох эрсдэлийг үүсгэж байна.
Ирэх жилүүдэд түүхий нефтийн эрэлт дорвитой нэмэгдэхгүй байх хүлээлттэй байгаа тул 2020-2023 онд 1 баррель түүхий нефтийн үнэ 45 ам.доллараас давахгүй байх төлөвтэй байгааг Санхүүгийн тогтвортой байдлын тайланд дурджээ.
Холбоотой мэдээ
Сэтгэгдэл ( 0 )