Ам.долларыг 2853.30 төгрөгийн ханшаар банкуудад нийлүүллээ

Өнөөдөр гадаад валютын дуудлага худалдаагаар Монголбанк  21.5 сая ам.долларыг 2853.30 төгрөгийн ханшаар арилжааны банкуудад нийлүүлжээ. Харин  своп, форвард арилжаагаар банкуудаас санал ирээгүй байна.

Тодотгоход, гадаад валютын дуудлага худалдаа нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох арга хэрэгсэл юм.