Сайншандад 7 тэрбумын өртөгтэй СОЁЛЫН ОРДОН барихаар тусгажээ

2020 оны 10 сарын 06

2021 оны Монгол Улсын нэгдсэн төсвийн төсөлд хэд хэдэн шинэ  Соёлын төв, музейн барилга  барихаар тусгажээ. Тухайлбал, Дорноговь аймгийн Сайншанд сумын 3 дугаар багт 500 хүний суудалтай, нийт 7 тэрбум төгрөгийн өртөгтэй  Соёл, Урлагийн ордон барихаар тусгасан байна. 

Ирэх оны төсөвт 1 тэрбум 500 сая төгрөгийг нь хуваарилахаар төсвийн төсөлд тусгажээ. Өндөр өртөг зардал бүхий ийм барилгын төсөл он он дамнан төсвөөс санхүүждэг жишиг уг барилга дээр ч давтагдах биз ээ. 

Шинээр барьж эхлэх Соёлын төв, музей зэрэг барилгуудад ирэх жилийн төсөвт хэдэн төгрөг хуваарилахаар тусгасныг тодотгон хүргэе.

 

 Соёл, урлагийн ордон, 500 суудал /Дорноговь, Сайншанд сум, 3 дугаар баг/
 

  • Барилгын ажлыг 2021 онд эхлүүлж, 2022 онд дуусгана. Төсвийн нийт өртөг 7,000.0 сая төгрөг. Ирэх оны төсөвт 1,500.0 сая төгрөг хуваарилна.

 

Соёлын төвийн барилга, 200 суудал /Сүхбаатар, Түмэнцогт сум/
 

  • 2021 онд эхэлж, 2022 онд дуусгана. Нийт өртөг нь 1,988.5 сая төгрөг, ирэх оны төсөвт  800.0 сая төгрөг хуваарилна.

 

Соёлын төвийн барилга, 250 суудал /Хөвсгөл, Ренчинлхүмбэ сум/
 

  • 2021 онд барилгын ажлыг эхлүүлж, 2022 онд дуусгана. Төсөвт өртөг нь  1,700.0 сая төгрөг. Ирэх онд  450.0 сая төгрөг хуваарилна.

 

Соёлын төвийн барилга, 250 суудал /Хөвсгөл, Тосонцэнгэл сум/
 

  •  2021 онд барилгын ажлыг эхлүүлж, 2022 онд дуусгана. Нийт төсөвт өртөг 1,700.0 сая төгрөг. Ирэх онд төсөвт  450.0 сая төгрөг тусгана.

 

Соёлын төвийн барилга, 300 суудал /Хэнтий, Батширээт сум/
 

  •  2021 онд барилгын ажлыг эхлүүлж, 2022 онд дуусгана. Нийт өртөг 2,000.0 сая төгрөг. Ирэх онд 1,000.0 сая төгрөг хуваарилна.

 

Соёлын төвийн барилга, 300 суудал /Хэнтий, Галшар сум/
 

  • 2021 онд барилгын ажлыг эхлүүлж, 2022 онд дуусгана. Нийт өртөг 2,000.0 сая. Ирэх оны төсөвт 850.0 сая төгрөг хуваарилна.

 

Соёлын төвийн барилга, 300 суудал /Хэнтий, Цэнхэрмандал сум/
 

  • 2021 онд барилгын ажлыг эхлүүлж,  2022 онд дуусгана. Нийт өртөг  2,000.0 сая төгрөг. Ирэх онд 1,000.0 сая төгрөг хуваарилна.

 

Луут хот, Эртний Хүннү гүрний нийслэл Хар Балгасны сургалт, мэдээллийн төв /Архангай, Өлзийт, Хотонт сум/
 

  • 2021  төсөвт 200.0 сая төгрөг тусгана.

 

Музей, номын сангийн цогцолбор /Дархан-Уул, Дархан сум/
 

  • 2021 онд эхэлж,  2022 онд дуусгана. Нийт өртөг 5,000.0 сая. Ирэх оны төсөвт  1,000.0 сая төгрөг тусгана.

 

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иии (66.181.166.154)  2020 оны 10 сарын 07

ийм балай шавар тагз барьж татвар төлөгчийн мөнгө үрэхээ болиочээ ........ одоо DDISH internet гээд соёл мэдээлэл жигд түгэж байгаа шүү дээ

0  |  0
Top