Чин гүрний үеийн шашин судлалын цуглуулгаар “Хувилгаан” нэртэй каталог хэвлүүлжээ
Тайпэйн Худалдаа, эдийн засгийн Улаанбаатар дахь төлөөлөгч Грэйс Ж.Р.Лүө ШУА-ийн төлөөлөлтэй уулзаж Тайван-Монголын шинжлэх ухааны салбарын хамтын ажиллагааны талаар ярилцлаа.
2020 онд ШУА болон Тайваний Үндэсний хааны ордон музей хамтран гаргахаар төлөвлөж байсан үзэсгэлэн цар тахлын хорио цээрийн улмаас гарч чадаагүй юм. Гэсэн хэдий ч энэхүү үйл ажиллагаанд зориулан Тайваний Үндэсний хааны ордон музейгээс “Хувилгаан” нэртэй Чин гүрний үеийн шашин судлалын цуглуулгаар каталог хэвлүүлжээ.
Уулзалтын үеэр тус каталогийн дээжээс ШУА-ийн Ерөнхийлөгч Д.Рэгдэлд өргөн барив. Энэхүү каталогт Тайваний Үндэсний хааны ордон музейд байдаг Чин гүрний үеийн бүх үзмэрийг багтаажээ. Мөн каталогийн нээлтийн үеэр Тайванд соёлын буухиа явуулж, Чингис хаан нэртэй бүжгэн жүжиг, Монгол-гэр соёлыг таниулан сурталчлах өдөрлөгийг Тайваны бүх хотуудаар хийсэн байна.
.jpg?w=1200)
ШУА-ийн Ерөнхий Д.Рэгдэл: “Хоёр орны хувьд шинжлэх ухааны салбарт олон жил хамтарч ажиллаж байна. Тайваний Үндэсний хааны ордон музей зүгээс цар тахлын хүнд үед энэхүү томоохон үзэсгэлэнг өргөн зохион байгуулсан нь талархууштай. Мөн уг үзэсгэлэнг хамтран зохион байгуулсан Төлөөлөгчийн газрын зүгээс хоёр орны хамтын ажиллагааг өндөр түвшинд байлгах санаачлага гаргасныг сайшааж байна” гэлээ.
Уулзалтын үеэр Төлөөлөгчийн газраас ШУА болон Тайваний Үндэсний хааны ордон музейн хооронд хийгдсэн хамтын ажиллагааны санамж бичгийн дагуу явагдаж буй хамтарсан судалгааны бүтээгдэхүүн болох каталогийн үйл ажиллагаанд түлхэц үзүүлэхийг хүслээ. Энэхүү каталоги нь Хятад-Англи-Монгол хэл дээр хэвлэгдэх юм байна.
Эх сурвалж: ШУА
Холбоотой мэдээ
Сэтгэгдэл ( 0 )