СХД: 19-р хороонд ногоон байгууламж, авто зогсоол барина

2021 оны 05 сарын 13
Сонгинохайрхан дүүргийн 19 дүгээр хорооны нутаг дэвсгэрт 2019, 2020 онд зөвшөөрөлгүй баригдсан авто гараашуудыг буулган, газар чөлөөлж 62 дугаар сургуулийн өргөтгөлийн бүтээн байгуулалтыг хийсэн билээ.
 
Өнөөдөр /2021.05.13/ дүүргийн Засаг дарга Н.Алтаншагай болон холбогдох албаны удирдлагууд газар чөлөөлж, сургуулийн өргөтгөл баригдсан талбайд ажиллаж, дараагийн бүтээн байгуулалт хийх төлөвлөгөө, гүйцэтгэлийг талаар санал солилцлоо.
 

Зөвшөөрөлгүй баригдсан авто гараашуудыг чөлөөлсөн 19 дүгээр хорооны тус талбайд “Иргэдэд ээлтэй орчныг сайжруулах” аяны хүрээнд ногоон байгууламж бүхий авто зогсоолыг байгуулах юм.
 
Бүтээн байгуулалт өрнөх тус талбайд хуримтлагдсан их хэмжээний барилгыг хог, хаягдлыг өчигдөр /2021.03.12/ дүүргийн ЗДТГ, Тээвэрлэлт үйлчилгээний төв ОНӨААТҮГ-тай хамтран цэвэрлэж, бэлтгэл ажлыг хангаж байна.
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(103.10.23.129) 2021 оны 05 сарын 13

Ганц зам өргөтгөх хэрэгтэй бнаа 1хорооллоос содон хороолол ордог нарийн засмал байнга түгжрэлтэй бдаг мэдэх байлгүйдээ

0  |  0
Top