Энгийн амьдралд шилжихтэй зэрэгцэн өвчлөл нэмэгдэх тохиолдол бүх улсад ажиглагджээ

Өдөрт 900-1000 хүн халдварт өртлөө гэхэд тэдний 30 хувь нь хүүхдүүд байгаа аж. Мөн вакцинд хамрагдаагүй, давтан тунгаа авч чадаагүй, дархлаа тогтож амжаагүй байгаа иргэд байгааг УОК-оос мэдээллээ.

18-34 насныхан вакцинд хамрагдалт муу байгаа нь вакцин хийлгэхгүй гэсэн хүмүүс, мөн жирэмсэн, суурь өвчинтэй хүмүүс байгаатай холбоотой аж. Жирэмсэн болон болон суурь өвчинтэй хүмүүст вакциныг төлөвлөгөөтэйгөөр хийж байгааг Эрүүл мэндийн сайд С.Энхболд хэллээ. Улсын хэмжээнд 80 орчим мянган жирэмсэн эмэгтэй байгаа аж. Жирэмсэн хүмүүс ихэвчлэн 18-34 насныхан байгаа нь энэ насныхны вакцинд хамрагдалт бага гарахад нөлөөлжээ.

Зорилтот бүлгийн хүн амын 95 хувь нь вакцинд хамрагдвал хангалттай тоо гэж үзэх юм. Хөл хорионы дараа хөл хөдөлгөөн 90-95 хувь нэмэгдэж, иргэд энгийн амьдрал руу шилжин орж байгаатай холбоотойгоор халдвар нэмэгдэх тохиолдол дэлхийн бүх улсад ажиглагджээ.

Сонгуулийн хувьд төрийн үйл ажиллагааг завсарлуулахгүйн тулд хуулийн дагуу халдвар хамгааллын дэглэмийг баримтлан сонгуулийн сурталчилгаа явуулах аж.

Манай улсад өдөрт батлагдаж байгаа тохиолдлын 30 орчим хувийг 0-17 насны хүүхдүүд эзэлж байна. Нийт 13197 хүүхэд халдвар авснаас 5-9, 10-14 насныхан дунд өвчлөл өндөр гарчээ. Насанд хүрэгсдээс 25-34 насны иргэд түлхүү өвчилж байгаа аж.