Израилд 12-15 насны хүүхдүүдийг вакцинжуулж эхэлжээ

Израил 12-15 насны хүүхдүүдийг коронавирусний эсрэг вакцинжуулалтад хамруулж эхэлжээ.

Өсвөр настнуудыг вакцинжуулах ажил өнгөрсөн ням гарагт эхэлсэн ч халдварын тархалт буурч буйг харгалзан эрүүл мэндийн салбарын мэргэжилтнүүд хүнд хэлбэрээр өвчлөх эрсдэлтэй өсвөр настнууд, гэр бүлийнх нь гишүүд хүнд хэлбэрийн халдвар авах эрсдэлтэй гэр бүлтэйгээ амьдардаг болон гадаад улс орон руу зорчих өсвөр настнуудыг вакцинд хамруулахыг зөвлөсөн байна.

Израилийн эмч нар тус улсад хэрэглэж буй “Pfizer” вакцин хүүхдүүдэд аюулгүй бөгөөд үр дүнтэй гэж үзжээ.

Израил өнгөрсөн оны арванхоёрдугаар сарын 20-ноос хүн амаа вакцинжуулж эхэлсэн билээ. 2021 оны нэгдүгээр сарын 10-наас эхлэн израилчууд вакцины хоёр тунгаа хийлгэсэн. Одоогийн байдлаар, тус улсын 5.45 сая иргэн нэгдүгээр тун, 5.1 сая хүн хоёрдугаар тундаа хамрагдаад байна.