Мадуро Венесуэлийг нефтийн хараат байдлаас гаргахаа амлав

Венесуэлийн Ерөнхийлөгч Николас Мадуро тус улсад нэвтрүүлсэн төрөлжсөн эдийн засгийн шинэ бодлого нь газрын тосны орлогоос хараат бус байдлыг хангах болно гэж мэдэгджээ.

Мадуро “Ард түмний гарт байх төрөлжсөн эдийн засгийн шинэ бодлоготой болсон. Бид дахиад нефтээс хараат байхгүй” гэсэн байна.

Мадурогийн ярьснаар Венесуэл улс эдийн засгаа төрөлжүүлэх үе шатанд байгаа аж.

Николас Мадуро өнгөрсөн сард Венесуэлийн зэвсэгт хүчин ойрын хугацаанд зохицуулалт хийнэ гэж мэдэгдсэн билээ.