ЗӨВЛӨГӨӨ: Аав охины хамтдаа хийх 20 хөгжилтэй ажил 

О.Шинэтуяа | Zindaa.mn
2022 оны 01 сарын 25

"Хөөрхөн шар шувуу" сургалт судалгааны төвөөс аав, охидод зориулсан сонирхолтой зөвлөгөөг хүргэжээ. Тус зөвлөгөөнд аавууд охиддоо тусгайлан цаг гаргаж болзоонд урьж байх ёстой бөгөөд тэгвэл тэд насанд хүрээд биеэ зөв авч явдаг, эрэгтэй хүнтэй харилцаж сурсан байхаас гадна өөртөө итгэлтэй болдог хэмээн бичсэн байна. 

БЯЦХАН ЗӨВЛӨМЖ: 

1.Охинтойгоо хамт айл гэрдэж, дэлгүүр болж тоглоорой. (Охин ээж та нөхөр нь, охин худалдагч та үйлчлүүлэгч болоход тэд дуртай)

2.Гүнжийн хүүхэлдэй үзэх, шинэ дуу сурах (Олон гүнжүүдийн хэн нь ямар зантай болох, хэн нь яагаад таалагддаг талаар яриулах, дуу сурахдаа охиноороо заалгах)

3.Гэртээ чөлөөт болон уянгын аянд бүжээрэй (Уянгын ая дээр охиноо хөл дээрээ гишгүүлэх эсвэл мөрөн дээрээ суулгаад аяныхаа хэмнэлээр хөдлөөрэй)

4.Амьтны музей орох. (Охид амьтдын үр төл, нялх байх үеийг өхөөрдөн энхрийлэх дуртай гэдгийг тооцоолоорой)

5.Зун цэцэрлэгт хүрээлэнгээр дугуй унахыг заах, дугуйндаа сундлаад аялаарай.

6.Чухал уулзалттай, хуралтай, магадгүй оройтох өдрөө өмсөх хувцасаа охиноороо сонгуулаарай. (Аав чухал ажилтай байгаа, чухал ажилд нь би тусалсан гэсэн сэтгэлээр охин таныг оройтсон ч ойлгодог)

7.Хэдий ажил ихтэй байсан ч охиноо цэцэрлэг, сургуулиас нь авдаг тогтмол өдөртэй болоорой. (Сурсан дуу шүлэг, сонин сайхнаа ээжээс илүү аавдаа гайхуулах дуртай байдаг тул харих замдаа түүнийг нь заавал сонсоорой)

8.Хамтдаа зураг авах, сэлфи хийх (Ааваасаа ямар хөөрхөн, ээжийнхээ ямар хөөрхөнг дуурайсныг нь өхөөрдөн хэлээрэй)

9.Охид гадны киноны гүнжүүдийг их шүтдэг. Тэгвэл аав нь Монголын их хатад, үзэсгэлэнт гүнжүүдийн тухай түүх домог сайн ярьж өгч байгаарай.

10.Ээжтэй нь хэрхэн танилцаж болзож байсан. Охиноо мэндэлж байх үеийн гайхалтай дурсамжуудаа ярьж өгөөрэй.

11.Эмээ өвөөгийнх нь тухай, тэр үеийнхний амьдралын онцлогийг өнөөдрийнхтэй харьцуулан хөөрөлдөөрэй.

12.Хэн нэгэнд туслах, урам өгөх зүйлийг санаачлан хамтдаа хийх. (Цэцэрлэгийн үйлчлэгчид талархалын захидал өгөх, настай хүнд ачааг нь өргөж туслах гэх мэт)

13.Гэртээ тогтмол сонсдог сонгодог хөгжмийн аяуудтай болоорой.

14.Зургийн урлан орж хамт зураг зурах эсвэл зурсан зургаа охиноороо будуулж хамтраарай.

15.Заримдаа ээжийн нь гоо сайхны ширээг зээлж байгаарай. Охид аавынхаа нүүрийг будах, үсийг нь гоёх дуртай. Яагаад гэвэл та охиныхоо хувьд хамгийн өхөөрдөм, хайр татам залуу нь байдаг.

16.Ажлаасаа тарж ирэхдээ охиноо тэвэрч хайртай гэдгээ хэлж хэвшээрэй.

17.Охин тань уншиж сурсан, эс сурсан хамаагүй долоо хоног бүр түүнд зориулж унтахын өмнө аз жаргалтай үлгэр уншиж өгч байгаарай. (Үүгээр дамжуулж намайг хамгаалах баатар үргэлж байгаа хэмээх итгэл оршиж цовоо сэргэлэн, өөртөө итгэлтэй байдаг)

18.Хүүхэлдэйгээ угжих, унтуулах, хувцаслах ажил болон гэрийн даалгаварт нь тусалж байх.

19.Ээжид нь зориулж амттан, гоо сайхны зүйлс, бэлэг авахдаа охинтойгоо зөвлөлдөн сонголт хийж байгаарай.

20.Охиндоо өөрийнхөө болон ээжийнх нь ажлаар аялуулж юу хийдэг тухайгаа тайлбарлаж, танилцуулаарай.

Энэ мэтээр та охинтойгоо болзоод байгаарай. Охиныхоо сөрөг сэтгэл хөдлөлийг анзаарч, эерэг зан үйлийг нь дэмжиж идэвхтэй оролцоотой байна шүү аавуудаа. Аавуудын идэвх санаачлага, оролцоо охидын аз жаргалтай гэгээн ирээдүйд хамгийн их нөлөөтэй.

Эх сурвалж: Г.Төмөрзаяа

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ZIO(129.205.124.19) 2022 оны 01 сарын 25

Аав руугаа “OKOSU\nдээр (Whats-app 2348115799318 )\nТэр танд ямар ч төрлийн тусламж үзүүлэхэд бэлэн байна.\nХайрын шившлэг, харилцааг сэргээх,\nОюун санааны асуудал, Шүүхийн ялалт, Эхийн үр жимс, Өвчний шийдэл, Сугалаанд хожих, Төрөл бүрийн өвчнийг анагаах, байгалийн үндэс, ургамлаар нь бүх төрлийн үхлийн аюултай өвчнийг анагааж, Үе удмын шалтгааныг арилгах, Хуучин амрагтай болох буцаж. Мөн өөр ямар нэгэн шившлэгийг түүн рүү okosherbalhome@gmail.com цахим шуудангаар илгээнэ үү

0  |  0
Top