Эд шилжүүлэн суулгах мэс заслыг амжилттай хийжээ

О.Шинэтуяа | Zindaa.mn
2022 оны 02 сарын 23

Төрийн тусгай албан хаагчдын нэгдсэн эмнэлэг кадавр донороос эд шилжүүлэн суулгах мэс заслыг амжилттай хийсэн байна. Тодруулбал, тус эмнэлгийн Гэмтлийн тасгийн эмч нар, УНТЭ, ЭМХТ-ийн Эс, эд, эрхтнийг шилжүүлэн суулгах үйл ажиллагааг зохицуулах албатай хамтран кадавр донороос шөрмөс авч бэлтгэн үйлчлүүлэгчид шилжүүлэн суулгаж, өвдөгний үений урд чагтан холбоосыг үений дурангийн аргаар сэргээх мэс заслыг амжилттай хийж гүйцэтгэжээ.

Төрийн тусгай албан хаагчдын нэгдсэн эмнэлэг эмчлүүлэгчийн өөрийн шөрмөсийг ашиглан өвдөгний үений урд, хойд чагтан холбоосуудыг сэргээх мэс заслыг 2017 оноос хийж эхэлсэн бөгөөд кадавр донороос эд шилжүүлэн суулгах мэс заслыг нэвтрүүлснээр олон шөрмөсний урагдлыг нэг дор сэргээх давуу тал бий болж байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иргэн(103.10.23.161) 2022 оны 02 сарын 24

Кадавр гэж юү вэ?

1  |  0
Top