Майкл Макадүү: Засаглалын чанар муудах тусам, эелдэг дарангуйлал бий болдог

Монголын Эдийн засгийн чуулганы хүрээнд “Хөрөнгө оруулалтын орчин” сэдэвт хуралдаан боллоо.

Уг хуралдаанд оролцсон “Бостон Консалтинг” группийн партнер Майкл Макадүү дараах байр суурийг илэрхийллээ.

“Засаглалын чанар муудах тусам, эелдэг дарангуйлал бий болдог. Жишээ нь, гадаадын хөрөнгө оруулагчид орж ирээд үйл ажиллагаа явуулах гэхээр зөвшөөрөл өгдөг байгууллагууд, эрх мэдэлтнүүд наанаа эелдэг хэр нь дарангуй загнаж, тодорхойгүй байдал үүсгээд байвал тухайн улс руу гаднын хөрөнгө оруулагчид орж ирэхгүй.

Олон улсын жишгээс харахад ДНБ-ий өсөлт, бодлогын тогтвортой байдал болон улс төрийн засаглал сайжрах нь улс хурдтай хөгжих үндэс болдог. Тэр хэрээр гадаадын хөрөнгө оруулалт нэмэгддэг. Монголын хувьд олборлолт, нийлүүлэлтээс боловсруулалт руу шилжих хэрэгтэй байна” гэв.