Нүүрсний экспорт 7.4 сая тоннд хүрчээ

Э.Мөнхжин | Zindaa.mn
2022 оны 06 сарын 27

Энэ  сарын 17-23-ны өдрүүдэд авто замаар 4,879 чингэлэг, төмөр замаар 300 чингэлэг нүүрс экспортод гарсан гэж УУХҮЯ-наас мэдээллээ. 

Ингэснээр  оны эхнээс хойш  7,445.3 мянган тонн нүүрс экспортод гарсан байна.  Энэ нь  өнгөрөгч оны мөн үеэс 21.3 хувиар буурсан үзүүлэлттэй байгаа ч өнгөрсөн долоо хоногт 583.2 мянган тонн нүүрс гарсан нь өмнөх оны мөн үеэс 300.2 хувиар өссөн үзүүлэлт гэв.

Мөн хугацаанд авто замаар 320 чингэлэг, төмөр замаар 224 чингэлэг буюу оны эхнээс 721.5 мянган тонн  зэсийн баяжмал экспортолсон нь өнгөрөгч оны мөн үеэс 22 хувийн өсөлттэй байна. 

Төмрийн хүдэр, баяжмалын тухайд авто замаар 37, төмөр замаар 1,1180 чингэлэг буюу оны эхнээс нийт 1,708.4 мянган тонныг экспортод гаргажээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top