Гадаад валютын нөөц өмнөх сараас 3.7 хувиар өсжээ

Гадаад валютын улсын нөөц есдүгээр сарын 30-ны өдрийн байдлаар 2,794.6 сая ам.доллар болжээ. Энэ нь 3.5 сарын импортын хэрэгцээг хангах түвшин бөгөөд өмнөх сараас 3.7 хувиар өссөн дүн юм. Сүүлийн есөн сард анх удаа гадаад валютын нөөц өслөө гэж Төв банкнаас мэдэгдэж буй юм.

Сануулахад, гадаад валютын нөөц долдугаар сард 2878.6 сая ам.доллар байсан бол наймдугаар сарын сүүлийн байдлаар  2695.6  сая ам.доллар болж буураад байсан юм.