ХҮҮХДИЙН МӨНГӨ: Зээлийн мэдээллийг үнэлгээнд оруулах шаардлагагүй гэж дүгнэжээ

Хүүхдийн мөнгөн тэтгэмжтэй холбоотой асуудлаар  Хөдөлмөр,  нийгмийн хамгааллын яам, Үндэсний статистикийн хороо, Цахим хөгжил, харилцаа холбооны яамнаас  өнөөдөр /2023.01.17/ мэдээлэл хийв. 

Хүүхдийн мөнгөнд хамрагдах эсэхийг тогтоохдоо,  өрхийн аж байдлын үнэлгээнд тулгуурлаж буй гэсэн тайлбарыг албаныхан өгч байгаа. ҮСХ-ны зүгээс аргачлал зөв ажиллаж байгаа гэж тодотгосон. 

Иргэдийн хувьд тэрхүү аргачлалдаа зээлийн мэдээллийг яагаад оруулж тооцохгүй байгаа юм бэ гэдэг асуудлыг хөндөж байна. 

Харин ҮСХ-ны зүгээс үүн дээр "Хүүхдийн мөнгө олгох эсэх Өрхийн аж байдлын үнэлгээнд өрхийн зээлийн оролцоо багатай гарсан. Тиймээс иргэдийн зээлийн мэдээллийг оролцуулахгүйгээр үнэлгээг хийх боломжтой гэж дүгнэсэн" гэлээ.