ӨГЛӨӨНИЙ МЭНД!
Өнөөдөр 2023.11.01. Билгийн тооллын 19. Монгол эх оронд маань нар 07 цаг 36 минутад мандлаа, 17 цаг 35 минутад жаргана.
Улаанбаатар хотод үүлшинэ. Өдөртөө 7 хэм, шөнөдөө -3 хэм. Та хувцасаа тохируулж өмсөөрэй.
Өнөөдөр Олон улсын цагаан хоолтны өдөр. АНУ-д Шүдний сойзны өдөр бол Самоад Мод тарих үндэсний өдөр, Бутанд Эзэн хааны мэндэлсэн өдөр.
Энэ өдөр Чехийн биатлонч Габриэла Коукалова, Их Британийн жүжигчин, дуучин Наталия Тена, Америкийн “Hustler” сэтгүүлийн ерөнхий редактор Ларри Флинт, Өмнөд Солонгосын Twice хамтлагийн дуучин Ю Чонён, Японы бейсболч Масахиро Танака зэрэг алдартан мэндэлжээ.
Энэ өдөр дэлхий дахинд болсон онцлох үйл явдлууд:
1604 оны энэ өдөр Уильям Шекспирийн “Отелло” жүжиг анх удаа Лондон хотын Уайтхолл ордонд тавигдсан байна.
1896 оны энэ өдөр “National Geographic” сэтгүүлд анх удаа эмэгтэй хүний нүцгэн цээжний зураг тавьжээ.
1897 оны энэ өдөр Турины их сургуулийн оюутнууд хөлбөмбөгийн “Ювентус” багийг үүсгэн байгуулжээ.
1952 оны энэ өдөр АНУ анх удаагаа устөрөгчийн бөмбөг туршив.
1993 оны энэ өдөр Европын холбоо үүсгэн байгуулагджээ.
1998 оны энэ өдөр Европын Хүний эрхийн шүүх ажлаа эхэлсэн байна.
Өнөөдөр үс засуулвал Сайн нөхөртэй нөхөрлөнө.
Эл өдөр хонь, туулай жилтнээ аливаа үйлийг хийхэд эерэг сайн бол могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй. Сан тавиулах, угаал үйлдэх, нялхсын хурим хийх, огторгуйн үүдийг боох, их хүмүүнтэй уулзахад сайн. Харин газар ухах, худаг гаргах, сэтгэлд сэвтэй газар очих, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай.
Хол газар явах бол зүүн хойш мөрөө гаргаад аян замдаа гараарай.
Өнөөдрийн ажилд тань амжилт хүсье.
Холбоотой мэдээ
Сэтгэгдэл ( 0 )