“Их 7” бүлэг цахим дээд хэмжээний уулзалт хийнэ

Японы Ерөнхий сайд Фүмио Кишида өнөөдөр орой /2023.12.06/ “Их 7” бүлгийн дээд хэмжээний уулзалтыг цахимаар зохион байгуулахаар болжээ.

Уулзалтад Украины Ерөнхийлөгч Володимир Зеленський оролцоно.

Японы сайд нарын танхимын ерөнхий нарийн бичгийн дарга Хироказү Мацүногийн мэдэгдсэнээр, “Их 7” бүлгийн удирдагчид Украин, Ойрх Дорнодын нөхцөл байдал болон хиймэл оюун ухаан зэрэг олон улсын хамтын нийгэмлэгийн өмнө тавигдаж буй чухал асуудлуудыг авч хэлэлцэнэ. Цагаан ордны мэдээлснээр, уулзалт хаалттай горимоор явах аж. Японы тал цахим уулзалтын цагийг тодруулаагүй ч Цагаан ордны мэдээллээр, АНУ-ын Зүүн эргийн цагаар 09.30 /Улаанбаатарын цагаар 22.30/ цагт товлогджээ.