БНХАУ, ОХУ-ын хилийн боомтуудын 12 дугаар сарын 29 болон Шинэ жилээр ажиллах хуваарь

Энэ долоо хоногийн Баасан гараг буюу арванхоёрдугаар сарын 29-ний Үндэсний эрх чөлөө, тусгаар тогтнолоо сэргээн мандуулсны өдрөөр, мөн 2024 оны нэгдүгээр сарын 1-ний шинэ жилийн баяраар бүх нийтээрээ амарна. Эдгээр өдрүүдэд БНХАУ, ОХУ-ын хилийн боомтууд дараах цагийн хуваариар ажиллахаар болжээ.

-Чингис хаан олон улсын агаарын нислэг хэвийн үргэлжилнэ.

-Монгол, Оросын хилийн Алтанбулаг, Эрээнцав автозамын боомтууд хэвийн ажиллана.

-Сүхбаатар, Эрээнцавын төмөрзам хэвийн ажиллана.

ОХУ-тай хиллэдэг Цагааннуур авто замын боомт 2024 оны нэгдүгээр сарын 1-7-нд, Боршоо, Тэс, Арцсуурь боомтууд арванхоёрдугаар сарын29, нэгдүгээр сарын 1, 2-ны өдрүүдэд, Ханх, Ульхан боомтууд арванхоёрдугаар сарын 29, нэгдүгээр сарын 1-8-ны өдрүүдэд түр хаана.

БНХАУ-тай хиллэдэг Замын-Үүд авто замын боомт арванхоёрдугаар сарын 29-нд зорчигч тээвэр түр хааж, мөн өдөр ачаа тээврийн терминал ажиллах бол нэгдүгээр сарын 1-нд түр хаана. Төмөр зам хуваарийн дагуу ажиллана.

Хавиргын боомт арванхоёрдугаар сарын 29, нэгдүгээр сарын 1-ндтүр хаана. Баянхошуу, Бичигт, Ханги, Гашуунсухайт, Шивээхүрэн, Бургастай, Булган авто замын боомтууд нэгдүгээр сарын 1-нд түр хаана.