АНУ бүс нутгийн хэмжээний гүрэн болж хувирна гэж үзэж байна
Трампын засаглалын үед АНУ дэлхийд үзүүлэх нөлөөгөө алдаж, бүс нутгийн хэмжээний гүрэн болж хувирч магадгүй юм гэж Хятадын Ардын их сургуулийн дэргэдэх Санхүүгийн судалгааны “Чунъян” хүрээлэнгийн декан Ван Вэнь үзэж байна.
“Трампын үед дэлхий улам тайван бус болж, даяаршил улам бүдгэрч, цаг уурын өөрчлөлтийн эсрэг тэмцэл, дэлхийн эрчим хүчний шинэ эх үүсвэрийн эдийн засаг цохилтод өртөх байх гэж бид санаа зовж байна. Гео эдийн засгийн газрын зураг өөрчлөгдөж, АНУ дэлхийд ноёрхогчийн байр сууриа алдаж, ер нь л бүс нутгийн хэмжээний гүрэн болох байх” гэж Ван Вэнь сэтгүүлчдэд мэдэгджээ.
“Трамп засгийн эрхэнд гарснаар Хятад, Америкийн харилцааны бүтцийн шинжтэй зөрчил үндсэндээ өөрчлөгдөхгүй. Трамп засгийн эрхэнд эргэн гарч ирэхэд Хятад улс сэтгэл зүйн хувьд бүрэн бэлэн байгаа бөгөөд тогтоон барих хэвшсэн бодлогоо АНУ өөрчилнө хэмээн хүлээхгүй” гэж тэр тэмдэглэсэн байна. Түүний хэлснээр, Трамп Хятадын эсрэг худалдаа, мэдлэг болон технологийн дайн дэгдээж байсан ч тэр нь амжилтад хүрээгүй ажээ. Трамп сонгуулийн мөрийн хөтөлбөртөө АНУ-д оруулж ирэх бүх бараанаас 10%-ийн гаалийн татвар авах, ингэхдээ Хятадын бараанд 60%-ийн импортын татвар ногдуулах санал дэвшүүлсэн байна.
Холбоотой мэдээ
Сэтгэгдэл ( 0 )