Ацтекуудын исгэрдэг гавлын аймшигт чимээний нууцыг тайлжээ
Швейцарын Цюрихийн их сургуулийн нейробиологичид ацтекуудын булшнаас илрүүлсэн эртний шавар шүглүүд дуу чимээгээрээ хүмүүст айдас, түгшүүр төрүүлдэг болохыг тогтоожээ.
“Communications Psychology” сэтгүүлд бичсэнээр, археологичид МЭ 1250-1521 онд хамаарах ацтекуудын булш, бунханд малтлага хийх үеэр гавлын ясны хэлбэр бүхий олон тооны шүгэл илрүүлжээ. Шүгэл нь улих, хүний гинших дуутай төстэй дуу гаргадаг байна.
Энэхүү чимээ хүний сэтгэцэд хэрхэн нөлөөлдгийг судлахын тулд туршилтад сайн дурынхныг хамруулжээ. Ажиглалтаас үзвэл шүглийн исгэрэх чимээ мэдрэлийн тогтолцоог өндөржүүлсэн бэлэн байдалд шилжүүлдэг болохыг тогтоосон байна. Оролцогчид шүгэл дуугарахад айдас, жихүүдэс, орчны баримжаа алдагдах мэдрэмж төрж байснаа ярьжээ.
Гавлын ясны хэлбэртэй шүглийг хойд ертөнцтэй холбоотой зан үйлд ашигладаг байсан байх талтай хэмээн эрдэмтэд таамаглаж байна.
Холбоотой мэдээ
Сэтгэгдэл ( 0 )