АНУ Ойрх Дорнодоос дипломат, цэргүүдээ татаж байна

Вашингтоны засаг захиргаа аюулгүй байдлын үүднээс Ирак дахь элчин сайдын яамны зарим ажилтнууд болон цэргийн алба хаагчдын гэр бүлийн гишүүдийг татах шийдвэр гаргасан тухай АНУ-ын ерөнхийлөгч Доналд Трамп мэдэгджээ.

Израилын тал Ираны цөмийн объектуудад цохилт өгнө гэж Вашингтон болгоомжилж байна. Axios порталын мэдээллээр, Доналд Трамп энэ сарын 9-нд Израилын ерөнхий сайд Биньямин Нетаньяхутай утсаар ярихдаа, ийм алхам хийхгүй байхыг анхааруулсан байна.

Лхагва гарагт Ираны батлан хамгаалахын сайд Азиз Насирзаде дайн эхэлсэн тохиолдолд Ираны тал Ойрх Дорнод дахь АНУ-ын цэргийн баазуудад цохилт өгнө гэж мэдэгджээ.