Ираны эсрэг ажиллагаа Европ, Азид эдийн засгийн их хохирол учруулж байна
АНУ-Израилын Ираны эсрэг явуулж буй цэргийн ажиллагаа Европын болон Азийн улс орнуудад их хэмжээний эдийн засгийн хохирол учруулж байна гэж The Washington Post сонинд бичжээ.
Дайнаас үүдэлтэй эдийн засгийн хохирол нь зөвхөн Ормузын хоолойгоор дамжин өнгөрдөг газрын тос, байгалийн хийн нийлүүлэлтэд нөлөөлөөгүй. Дайны бүсэд байрлаж буй цөөнгүй олон улсын нисэх онгоцны буудал хаагдсан нь олон улсын агаарын ачаа тээврийн тавны нэг хувь зогсоход хүргэж, улмаар ахуйн цахилгаан хэрэгсэл, эмийн бүтээгдэхүүн, үнэт металлын нийлүүлэлт тасалдаад байна.
Сан Францискод төвтэй Flexport ложистикийн компанийн мэдээллээр, Ойрх Дорнодод мөргөлдөөн гарснаас хойш Азиас Европ руу хийх агаарын ачаа тээврийн өртөг 45 хувиар нэмэгджээ. Тус дайн АНУ-ыг бодвол Европ, Азийн эдийн засагт хүчтэй цохилт өгч байна гэж The Washington Post сонин онцолсон байна.
Одоогийн байдлаар, Ормузын хоолойгоор дамжин тээвэрлэдэг газрын тос, байгалийн хийн нийлүүлэлтээс ихээхэн хамааралтай Бельги, Энэтхэг, Хятад, БНСУ зэрэг улс орнууд дайны ноцтой үр дагаврыг амсаж байна.
Сэтгэгдэл ( 0 )