Ч.Дөлгөөн: Брейк бүжиг хүнд элемент ихтэй ч бүхнийг даван туулах ёстой

“Stepandspin” бүжгийн студиэс зохион байгуулсан “B-Boy Circle” брейк бүжгийн тэмцээн амжилттай болж өндөрлөлөө. Тус тэмцээн нь олон улсын нэр хүндтэй тэмцээнүүдийн адил хөтөлбөр, дүрэм, шүүлтийн дагуу явагджээ.  Энэ удаагийн тэмцээнд 30 орчим B-boys, 20 орчим streetdancer-д оролцсон бөгөөд ихэвчлэн ганцаар бүжиглэдэг төрлүүдийн дунд тэмцээн зохиогдсон аж.Тус тэмцээний Toprock, Octagon төрлүүдэд өөрийн авьяас чадвараар “Hooliganz junior” хамтлагийн гишүүн Ч.Дөлгөөн түрүүлсэн байна. Түүний хувьд  брейк бүжгээр 2 жил гаруй хичээллэж байгаа бөгөөд “Ub battle” “Drop” зэрэг тэмцээнүүдэд амжилттай оролцож байжээ. Тэрээр брейк бүжиг хүнд элемент ихтэй ч  залуу хүний хувьд хүнд хэцүү бүхнийг даван туулах ёстой гэж боддог гэнэ.