Хоёрдугаар ангийн сурагч амиа алджээ

 Хичээлийн шинэ жил эхлээд удаа ч үгүй байхад хүүхдүүд ослоор амь насаа алдсан аймшигт хэргүүд гарах боллоо. Өчигдөр 12 настай охин ээжтэйгээ зам хөндлөн гарч яваад  кранд даруулж амь насаа алдсан бол өнөөдөр 13 цагийн орчимд Баянгол дүүргийн 13 –р сургуулийн арын замд  хоёрдугаар ангийн сурагч  машинд дайруулж амиа алджээ.  Тус сургуулийн ойр хавьд хурд сааруулагч, явган хүний гарц, сургууль, цэцэрлэгийн орчим байрлуулдаг “Анхаар хүүхэд” гэсэн тэмдэглэгээний аль аль нь байдаггүй аж.  Хэргийн газарт цагдаагийнхан ажиллаж байна.

Г.Энхтуяа