”Буянт-Ухаа 1” хороололд 4503 иргэн бүртгүүлжээ

"Буянт-Ухаа 1" хороолол захиалга авч эхлээд дөрөв долоо хоног болж байна. Хямд, чанартай гэх уг орон сууцад амьдрах хүмэлтэй иргэд захиалга өгсөөр байгаа юм.

     Өчигдөрийн байдлаар тус хорооллоос байр захиалахаар төрийн албан хаагч 1970, залуу гэр бүл 927, ахмад настан 1165, хөгжлийн бэрхшээлтэй 441, нийт 4503 иргэн бүртгүүлсэн байв. Бүртгэл эхлээд гурав хонож байхад орон сууцны тооноос гурав дахин олон иргэн бүртгүүлж, байр захиалах иргэдийн тоо өдөрт мянгаар нэмэгдэж байна. Тиймээс хэрхэн явуулахыг шийдээгүй байгаа сугалааг цөөнгүй иргэдийн дунд явуулж, тэдний хэдхэн нь л байртай болох бололтой.