118 хүүхэд үрчилж авсан эмэгтэйг баривчилжээ
Хятадын хойд хэсгийн Хэбэй мужийн засаг захиргаа 118 хүүхдийн ээж Ли Лижуан гэх эмэгтэйг баривчилжээ. Тэрбээр үрчилж авсан хүүхдүүдийнхээ тусламжтайгаар мөнгөжиж байсан аж. “Global Times”-д мэдээлснээр Ли Лижуан 1996 оноос хүүхэд үрчилж авч эхэлжээ. Тэрбээр есөн жилийн дараа “Хайрын тосгон” гэх хувийн асрамжийн газар байгуулсан байна.
22 жилийн дотор 118 хүүхэд үрчилж авсан түүнийг Хятад төдийгүй дэлхий даяар биширч байжээ. Харин Ли Лижуан хүмүүнлэгийн байгууллагадаа Засгийн газраасаа мөнгө авч, түүнийгээ өөртөө хадгалдаг байсан аж.
Эмэгтэйн үрчилж авсан хүүхдүүд нь бүгд өнчин байгаагүй гэнэ. Ли бүсгүй зарим хүүхдийн нэрийг ашиглаж мөнгө олж байжээ. Түүний асрамжийн газраас 74 хүүхдийг гаргаж аваад байгаа гэнэ.
Холбоотой мэдээ
Copyright © 2010 - 2026 Zindaa.mn Developed by mCast LLC
Сэтгэгдэл ( 0 )