Дэлхийн яруу найргийн өдөр | Яруу найргийн тухай 11 баримт

Өнөөдөр “Дэлхийн яруу найргийн өдөр”. 1999 оноос эхлэн ЮНЕСКО-гоос “Дэлхийн яруу найргийн өдөр”-ийг жил бүрийн 3 дугаар сарын 21-нд тэмдэглэн өнгөрөөхөөр зарласан юм. Энэ баяр нь хүмүүст яруу найргийн гоо сайхныг ойлгуулж, залуу яруу найрагчдад уран бүтээл туурвих боломж олгох зорилготой.

Энэ баярыг тохиолдуулан, яруу найрагтай холбоотой сонирхолтой 11 баримтыг толилуулж байна.

1. Хамгийн эртний шүлгийг МЭӨ ХХIII зуунд туурвисан гэж үздэг. Тэрхүү шүлгийг Эртний Аккадын хатан хаан Эн-Хеду-Ана зохисон бөгөөд Бурханы тухай найраг байжээ.

2. Хятадад XVIII зууны үед гунигтай найраглал бичсэн хүнийг цаазалдаг байв. Энэ шийдвэрийг эзэн хаан Цяньлун гаргасан бөгөөд Манж гүрний урьд өмнөх ололт, гавьяаг бичих нь гунигтай шүлэг гэж тооцогддог байв.

3. 2848 маягаар уншигддаг найраглал байдаг. IV зууны үеийн яруу найрагч эмэгтэй Су Хуэйн зохиосон тус найраглал ханзнаас бүтсэн квадрат бөгөөд баруунаас зүүн, зүүнээс баруун, дээрээс доош, тэр байтугай хөндлөн уншсан ч болдог найраглал байлаа.
 

4. Дэлхийд хамгийн их эшлэл, жишээ болон дурдагддаг найрагч бол Уильям Шекспир. Түүний зохиолоос илүү эш татагддаг ганц бүтээл нь Библи.
 

5. Кубын шүлэгч Хулиан дель Касаль инээж байгаад нас баржээ. Маш гутранги шүлэг бичдэгээрээ алдартай байсан Касаль оройн хоолны үеэр нэгэн найзынхаа ярьсан хошин яриаг сонсон, инээж байгаад цус алдан үхсэн байна.

6. Английн яруу найрагч Данте Россетти эхнэрийнхээ оршуулгын үеэр авсанд нь хэвлэгдээгүй шинэ зохиолуудаа хийжээ. Хэдэн жилийн дараа хэвлэх газраас санал ирэхэд Данте шүлгээ сэргээн бичиж чадсангүй. Ингээд эхнэрийнх нь булшийг ухаж, зохиолыг хэвлэсэн байна.
 

7. Голландын Амстердамд оршуулгын ёслолын үеэр шүлэг уншдаг байжээ. Гэрбүлгүй, ганц бие хүмүүсийн оршуулгыг хотын захиргаанаас хийдэг байсан бөгөөд яруу найрагчид ийм ёслолд шүлгээ уншиж, нэмэлт орлого олдог байв.

8. Яруу найрагч Генрих Шиллер илжирсэн алимны үнэрээс онгод авдаг байв. Түүний ажлын өрөөнд үргэлж илжирч муудсан алимтай таваг байдаг байлаа.

9. Байгаль дэлхийд зориулсан 3700 орос шүлгэнд судалгаа хийж үзэхэд хус мод 84, нарс 51, царс 48 шүлгэнд дурдагдаж, хамгийн “яруу найрагч” модоор тодорчээ.
 

10. Пушкин бүх зохиол бүтээлдээ 22 мянган үг ашиглажээ. Үүнээс 16 мянгыг нь ердөө ганц удаа хэрэглэсэн байна. Харин Лермонтовын үгийн сан 15 мянган үгтэй байжээ.
 

11. Пушкин амьдралынхаа турш 254000 рублийн хөлс авсан нь одоогийн ханшаар бол 700 мянган ам.доллар болж байгаа юм. Гол орлого нь номны борлуулалт, сэтгүүлд бичдэг нийтлэлээс орж байв. "Евгений Онегин" эзэндээ алдар нэрнээс гадна одоогийн ханшаар 135 мянган ам.доллар оруулсан гэсэн тооцоо бий.