Монголын буриадууд Оросын буриадуудад тусаллаа
Дэлхий нийтээр тархаад буй коронавирусний цар тахлын халдварт өвчин хойд хөрш ОХУ-д эрчимтэй тархаж байна. Ялангуяа манай улстай хил залгаа Буриад, Өвөр Байгалийн хязгаар нутгуудад байдал ноцтой байгаа юм.
Өнөөдөр өглөөний байдлаар Буриадад 1124 тохиолдол илэрснээс 480 эдгэрсэн, 638 хүн эмнэлэгт, 6 хүн нас барж, 1593 хүн тусгаарлагдаад байна.
Элэг нэгт ахан дүүстээ шинэ төрлийн коронавируст халдвараас урьдчилан сэргийлэх, хамтдаа тэмцэх үүднээс "МОНГОЛЫН БУРИАДЫН ТӨВ ХОЛБОО"-ны зүгээс тусламжийн аяныг өрнүүллээ. Энэхүү тусламжийн аянд иргэд, аж ахуйн нэгж, байгууллагууд , МБТХолбооны орон нутгийн салбар хороод нэгдэн оролцож, нийт 1 сая 630 мянган төгрөг цугласан байна.
Цугласан хандивыг өнөөдөр “МОНГОЛЫН БУРИАДЫН ТӨВ ХОЛБОО" ТББ-ын дэд тэргүүн, НЮАНС хамтлагийн дуучин Монгол улсын СТА М.Амарсанаа, тус холбооны гүйцэтгэх захирал Б.Мөнхжаргал, Удирдах Зөвлөлийн гишүүн Д.Дагвасүрэн, Буриад судлалын Академийн гэрэл зургийн сурвалжлагч Д.Батсайхан нар ОХУ-аас Монгол Улсад суугаа ЭСЯ-ны зөвлөх, Оросын Шинжлэх Ухаан Соёлын төвийн дарга, Монгол улсад хандивын үйл ажиллагааг хүлээн авах төлөөлөгч Амгалан Ринчинович Базархандаевт албан ёсоор хүлээлгэн өглөө.
Амгалан Ринчинович Базархандаев “Монголын ард түмэн, буриад-монголчуудад баярлаж талархаж байна. Эрхүү, Улаан-Үд хотод өргөх хандив тусламжийн аяныг тэнд сурч, төгссөн төгсөгчид, амьдарч байсан хүмүүс өрнүүлж дэмжлэг болж байгаа. Өнөөдөр та бүгд ОХУ-ын Өвөр Байгалийн хязгаарын Агын Буриадын Тойрогт хандив тусламж өгч байгаад баярлаж байна” гэж хэлсэн байна.
Холбоотой мэдээ
Сэтгэгдэл ( 3 )
ИЧИЖ САНАА ЗОВОХ ЮМГҮЙ САЙХАН ӨГЧ БАЙНА ДӨӨ
Сэтгэлийн өглөгө багадахгүй ээ. Сайн байна.\n
САЯ ГАРУЙХАН ТӨГРӨГ 40К РУБЛЬ ИЧЭХ НҮҮРГҮЙ ХҮМҮҮС ШҮҮ ЭНЭ ХЭДЭН БУРИАХАЙНУУД. ЧИМЭЭГҮЙ Л ӨГӨХ ХЭРЭГТЭЙ ӨГЧ БАЙГАА ХЭДЭЭС ИЧИВ. АВЧ БАЙГАА НЬ Ч НЭРНИЙ ХОР. 500 $ ХҮРЭХГҮЙ МӨНГӨӨР ХУВЬ ХҮНД БУС УЛСАД ШҮҮ.