Орон нутгийн төсөв АШИГТАЙ гарчээ

Улсын нэгдсэн төсвийн нийт орлого, тусламжийн хэмжээ  оны эхний найман сарын урьдчилсан гүйцэтгэлээр 6.1 их наяд төгрөг байна. Үүнээс нийт тэнцвэржүүлсэн орлого, тусламж нь 5.7 их наяд төгрөг болжээ.

Нэгдсэн төсвийн орлогын:

•  84.8 хувийг татварын орлого
•  8.9 хувийг татварын бус орлого
•  6 хувийг Ирээдүйн өв сангийн орлого
•  0.3 хувийг Тогтворжуулалтын сангийн орлого тус тус эзэлж байна.

Татварын нийт орлого оны эхний найман  сард 5.2 их наяд төгрөг болж, өмнөх оны мөн үеэс 1.1 их наяд төгрөг буюу 17.4 хувиар буурахад:

• Орлогын албан татвар 375.5 (22.7%) тэрбум төгрөг
• Нийгмийн даатгалын орлого 245.2 (19.5%) тэрбум төгрөг
• Бусад татвар, төлбөр хураамжийн орлого 173.0 (28.9%) тэрбум төгрөг
• Нэмэгдсэн өртгийн албан татвар 165.8 (10.9%) тэрбум төгрөг
• Онцгой албан татвар 80.6 (13.8%) тэрбум төгрөг
• Гадаад үйл ажиллагааны орлого 38.9 (7.6%) тэрбум төгрөгөөр буурсан нь голлон нөлөөлжээ.

Орон нутгийн төсөв

Орон нутгийн төсвийн орлого  оны эхний найман сарын урьдчилсан гүйцэтгэлээр 2 их наяд төгрөг, зарлага ба эргэж төлөгдөх цэвэр зээл 1.8 их наяд төгрөг болж, орон нутгийн тэнцвэржүүлсэн тэнцэл 211.5 тэрбум төгрөгийн ашигтай гарчээ.  Орон нутгийн төсвийн тэнцвэржүүлсэн тэнцлийн ашиг өмнөх оны мөн үеэс 28.2 тэрбум төгрөг буюу 15.4 хувиар нэмэгджээ.