Монголд коронавирусний ВАКЦИН НИЙЛҮҮЛЭХ асуудал нааштай байна гэв

Сангийн сайд Ч.Хүрэлбаатар НҮБ-ын суурин зохицуулагч Тапан Мишра, ДЭМБ-ын суурин төлөөлөгч Сергей Диордица, НҮБ-ын Хөгжлийн хөтөлбөрийн суурин төлөөлөгчийн орлогч Нашида Саттар болон албаны бусад хүмүүстэй уулзжээ.

Уулзалтаар НҮБ-ын Тогтвортой хөгжлийн зорилтуудыг эдийн засаг, төсөвтэй холбон хангах санхүүжилтийн механизм, стратегийн хэрэгжилтийн талаар ярилцсан байна.

Тогтвортой хөгжлийг хангахад “Ковид-19”-ийн нөлөө багагүй аргамжаа болж байгааг талууд хэлжээ. ДЭМБ-аас дэлхийн улс орнууд, тэр дундаа манай оронд коронавирусний вакциныг нийлүүлэх асуудал нааштай яригдаж байгааг дуулгажээ.