ДЭМБ Хятадын хоёр дахь вакциныг зөвшөөрлөө

Дэлхийн эрүүл мэндийн байгууллага Хятад улсад гаргаж авсан “Sinovac-CoronaVac” вакциныг онцгой нөхцөлд хэрэглэх зөвшөөрөл олголоо.

ДЭМБ-ын мэдэгдэлд дурдсанаар, улс орнууд, санхүүгийн байгууллага, вакцин худалдан авалт хариуцсан агентлагууд энэхүү вакцин нь олон улсын аюулгүй байдал, үр нөлөө, үйлдвэрлэлийн стандартыг хангасан гэдэгт итгэлтэй байж болно гэжээ.

“Sinovac-CoronaVac” вакциныг Бээжинд төвтэй “Sinovac” эмийн үйлдвэр үйлдвэрлэж байгаа юм. Ингэснээр тус вакцин ДЭМБ-ийн зөвшөөрөл авсан Хятадын хоёр дахь бэлдмэл болж байна.

Дэлхийн эрүүл мэндийн байгууллагаас зөвшөөрөл авснаар тухайн вакцин олон улсын “COVAX” хөтөлбөрт багтахаас гадна олон улсын худалдан авалтын жагсаалтад ордог байна.