Б.Лхагвасүрэн: Зээлийн хүү тасралтгүй буурч, тодорхой түвшинд хүрээд байна

Э.Мөнхжин | Zindaa.mn
2022 оны 01 сарын 12

“Зээлийн хүүг бууруулах стратеги батлах тухай” Улсын Их Хурлын тогтоолын хэрэгжилтийн явцын талаар Монголбанкны ерөнхийлөгч Б.Лхагвасүрэн УИХ-ын Эдийн засгийн байнгын хорооны хуралдаанд танилцууллаа. Тэрбээр  “Стратегийг хэрэгжүүлэхээр холбогдох байгууллагуудын төлөөлөл оролцсон ажлын хэсэг ажилласан. Ажлын үр дүнд хүү тасралтгүй буурч, тодорхой түвшинд хүрээд байна. 2021 оны эцсийн байдлаар зээлийн дундаж хүү стратеги батлагдсан үетэй харьцуулахад 2.5 нэгж хувиар, өнгөрсөн оныхоо мөн үетэй харьцуулахад 1.3 нэгж хувиар тус тус буурч, өнөөдрийн байдлаар жилийн 14.5 хувьд хүрлээ. Стратеги хэрэгжүүлэх төлөвлөгөөний дагуу 2023 оны эцэст сарын 1 хувь буюу жилийн 12 хувьд хүрэх зорилт бий. Энэ бол дундаж хүү. Хэрвээ Засгийн газраас хэрэгжүүлж байгаа бусад хөтөлбөрийн зээлийн хүүг үүнд оруулж тооцвол дундаж хүү 13.8 хувь буюу сарын 1.15 хувьд хүрч буураад байна” гэв.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top