Мөнгөний нийлүүлэлт 3.6 их наяд төгрөгөөр өсжээ

Mөнгөний нийлүүлэлт (M2) 2021 оны 12 дугаар сарын эцэст урьдчилсан гүйцэтгэлээр 27.8 их наяд төгрөг болж, өмнөх оны мөн үеэс 3.6 их наяд төгрөг буюу 14.8 хувь өссөн байна. Ингэж өсөхөд валютын харилцах 362 тэрбум төгрөгөөр, төгрөгийн харилцах 2.2 их наяд төгрөгөөр, төгрөгийн хадгаламж 1.6 их наяд төгрөгөөр өссөн нь нөлөөлжээ.

Бага мөнгө (M1) 2021 оны 12 дугаар сарын эцэст урьдчилсан гүйцэтгэлээр 6.5 их наяд төгрөг болж, өмнөх сараас 615.6 тэрбум төгрөгөөр, өмнөх оны мөн үеэс 2.3 их наяд төгрөгөөр өссөн байна. Бага мөнгөний 5.6 их наяд төгрөг нь төгрөгийн харилцах, 847.2 тэрбум төгрөг нь хадгаламжийн байгууллагаас гадуурх мөнгө байна гэж ҮСХ-ноос мэдээллээ.