Япон “Tomahawk” далавчит пуужин худалдан авна

Японы Засгийн газар АНУ-д хандан “Tomahawk” далавчит пуужин худалдан авах санал тавьсан тухай “Yomiuri Shimbun” сонин эх сурвалж дурдан мэдээлжээ.

Вашингтоны зүгээс энэхүү саналд нааштай хандаж, нийлүүлэлтийн хэлэлцээ сүүлийн шатандаа ороод байгаа аж. Бүс нутгийн нөхцөл байдал хурцдаж буйтай холбогдуулан Япон улс тогтоон барих чадвараа бэхжүүлэх зорилгоор энэхүү саналыг тавьсан гэж тус сонин онцолжээ.

Дашрамд дурдахад, “Tomahawk” далавчит пуужин үйлдвэрлэгч “Raytheon” компани АНУ-ын Зэвсэгт хүчинд 154 далавчит пуужин нийлүүлэх гэрээ байгуулжээ. Тус гэрээний нийт өртөг 217 сая ам.доллар. Эдгээр пуужингийн 54-г нь тэнгисийн явган цэрэгт, 70-г нь тэнгисийн цэрэг, 30-г нь армид нийлүүлэх аж.