Украин хэдэн ATACMS баллистик пуужинтай вэ?
Киевт ойролцоогоор 50 ATACMS баллистик пуужин бий гэж Их Британийн “The Times” бичжээ.
Ингэхдээ Пентагон албан ёсоор пуужингийн тоо хэмжээг зарлаж байгаагүй гэж тус сонин тодруулсан байна. АНУ-ын ATACMS пуужин ховор төрлийн зэвсэг юм гэжээ.
Мягмар гарагт ОХУ-ын Батлан хамгаалах яам Украины Зэвсэгт хүчин Брянкс муж руу зургаан пуужин харвасан тухай мэдээлжээ. Эдгээрээс тавыг нь Оросын агаарын довтолгооноос эсэргүүцэн хамгаалах систем унагаж чадсан бол нэгийг нь ажиллагаагүй болгосон байна.
Энэ сарын 17-нд “New York Times” сонинд АНУ-ын Ерөнхийлөгч Жо Байден Украинд Оросын нутаг дэвсгэрт алсын зайн тусгалтай ATACMS пуужингаар цохилт өгөх зөвшөөрөл олгосон тухай мэдээлж байсан билээ. Эдгээр пуужингаар Курс муж дахь Оросын болон Хойд Солонгосын цэргийн байршилд цохилт өгнө гэж үзэж байна.
Холбоотой мэдээ
Сэтгэгдэл ( 0 )