Орос улс Украины эсрэг дунд зайн тусгалтай пуужин хэрэглэсэн нь Өрнөдөд өгсөн анхааруулга гэж үзэж байна

Украины Батлан хамгаалах аж үйлдвэрийн цогцолборын нэгэн үйлдвэрт Орос улс дунд зайн тусгалтай, дуунаас нэн өндөр хурдтай, цөмийн бус цэнэгт хошуутай нэн шинэ “Орешник” пуужингаар цохилт өгсөн нь Өрнөдөд өгсөн анхааруулга хэмээн үзэж байгаагаа Аюулгүй байдал, батлан хамгаалах салбарын асуудлын судалгааны Лондоны хүрээлэнгийн шинжээч Мэттью Сэвилл илэрхийлсэн байна.

“Бид дунд зайн тусгалтай баллистик пуужингийн үйлдвэрлэлээр өрсөлдөхөд бэлэн байна. Эдгээр пуужин цөмийн болон цөмийн бус цэнэгт хошуутай байж болно. Та нар ийм эрсдэлд орохыг үнэхээр хүсэж байна уу?” гэж Оросын эрх баригчид Өрнөдөд анхааруулж байгаа юм гэж тэр Associated Press агентлагийн сурвалжлагчтай ярилцахдаа мэдэгджээ. Орчин үеийн тив алгасагч баллистик пуужин болон дунд зайн тусгалтай баллистик пуужингуудыг амдан устгахад туйлын хэцүү юм байна.