Ялтнуудад мэргэжлийн боловсрол олгоход Туркууд тусалжээ

Туркийн хамтын ажиллагааны байгууллага Улаанбаатар хотын хорих ангид ял эдэлж буй хоригдлуудад мэргэжлийн ур чадвар олгох сургалт зохион байгуулжээ. Төмрийн дархан, мужаан, гагнуурын 45 хоногийн эрчимжүүлсэн сургалтад сонгогдсон 50 хоригдол хамрагдаж мэргэжлийн сертификат олгосон байна. Туркийн хамтын ажиллагааны байгууллага 2016 оноос эхлэн энэ төрлийн сургалт зохион байгуулж ирсэн юм.

Өнгөрсөн хугацаанд сургалтад хамрагдсан хоригдлуудын 60-70 хувь нь суллагдмагцаа ажлын байраар хангагдсан гэсэн судалгааны дүн гарчээ. Туркийн хамтын ажиллагааны байгууллага 1992 оноос эхлэн нийгмийн болон соёлын туслалцааг Монголд үзүүлж ирсэн гэж Анадолу агентлаг мэдээлсэн байна.