ТАНИЛЦ: Түрээсийн орон сууцанд хамруулах журам

Засгийн газраас "Буянт-Ухаа II" орон сууцны хорооллыг түрээслүүлэх эрхийг хотын захиргаа, Нийслэлийн орон сууцны корпораци /НОСК/-д өгөөд байгаа. НОСК-ийн гүйцэтгэх захирал Б.Сүхбаатар хэвлэлд өгсөн ярилцлагадаа "Цахим бүртгэл ирэх долдугаар сарын 22-нд эхлэнэ. Бүртгэж дууссаны дараа сонгосон шалгуурт үндэслэж иргэдийг хамруулна. Бүртгүүлсэн иргэдийг сонгон шалгаруулалтаар сонгох уу эсвэл сугалаагаар сонгох уу гэдгийг Нийслэлийн Засаг даргын зөвлөл өөрсдөө хуралдаж шийдвэрлэнэ. Тухайлбал, сонгон шалгаруулалтаар явууллаа гэхэд сонгон шалгаруулалт шилэн, нээлттэй ил тод байх учир танил талдаа хахуул өгч хамрагдах асуудал үүсэхгүй. Нийгмийн даатгал төлсөн хугацаа, хүүхдийн тоо зэргээс хамаарч нэн шаардлагатай айлуудыг эхлээд оруулна" гэсэн билээ.

"Нийслэлийн зорилтот бүлгийн иргэдийг түрээсийн орон сууцанд хамруулах журам"-ыг танилцуулж байна.