В.Путин Монгол Улстай байгуулсан стратегийн түншлэлийн гэрээг соёрхон баталжээ

Я.Болор | Zindaa.mn
2020 оны 07 сарын 14

ОХУ-ын Ерөнхийлөгч Владимир Путин ОХУ, Монгол Улсын найрсаг харилцаа, иж бүрэн стратегийн түншлэлийн тухай гэрээг соёрхон батлах тухай хуульд гарын үсэг зуржээ. Гэрээг 2019 оны долоодугаар сарын 3-нд Улаанбаатар хотноо байгуулсан юм.

Баримт бичиг ёсоор талууд бие биенийгээ найрсаг, тэгш эрхт, тусгаар улс гэж үзэн, харилцан итгэлцэл, түүхэн уламжлалт сайн хөршийн харилцаа, иж бүрэн стратегийн түншлэл, олон талт харилцан ашигтай хамтын ажиллагаанд үндэслэн хамтран ажиллахаар заажээ. Иж бүрэн стратегийн түншлэлийн хүрээнд Монгол Улс, ОХУ нь улс төр, батлан хамгаалах, аюулгүй байдал, эдийн засаг, худалдаа, санхүү, хөрөнгө оруулалт, дэд бүтэц, тээвэр, харилцаа холбоо, эрчим хүч, мэдээллийн технологи, хүмүүнлэгийн харилцаа, соёл, урлаг, боловсрол, шинжлэх ухаан, техник, экологи, эрүүл мэнд, эрүүл ахуй хорио цээрийн болон харилцаан сонирхсон салбарт тогтвортой хамтран ажиллагааг хөгжүүлэх юм.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin(103.212.119.20) 2020 оны 07 сарын 15

Эрдэнэт овоотын төмөр зам дундаж зам

0  |  0
0(31.10.173.29) 2020 оны 07 сарын 15

Soyrhoh gedeg buzar ug yaj hereglej chadvaa.ezen n booldoo l soyrhdog.mongol ugee zuv heregle.orchuulga baisant ch zas

1  |  0
Top