А.Лукашенко "нууцаар" тангараг өргөв

Беларусын Ерөнхийлөгчөөр сонгогдсон Александр Лукашенко  тангараг өргөж, бүрэн эрх нь албан ёсоор хэрэгжиж эхэллээ.

Тэрбээр төрийн тэргүүний тангаргыг беларус хэлээр өргөсөн байна.

Тангараг өргөх ёслол Тусгаар тогтнолын ордонд болж байгаа бөгөөд тус улсын өндөр албан тушаалтнууд, парламентын гишүүд, хэвлэл мэдээллийн хэрэгслүүдийн тэргүүн, соёл, урлагийн зүтгэлтнүүд зэрэг хэдэн зуун хүн оролцож байна.

Тангараг өргөх ёслолыг нууцалж байсан бөгөөд зочид сүүлийн мөчид урилга хүлээн авсан гэж ОХУ-ын Спутник агентлаг мэдээлжээ.

Беларусын ерөнхийлөгчийн сонгуулийн санал хураалт өнгөрсөн наймдугаар сарын 9-нд болж, А.Лукашенко 80.1 хувийн санал авсан. Энэ нь түүний зургаа дахь удаагийн бүрэн эрхийг хугацаа юм.

Беларусын сөрөг хүчин болон Европын холбоо сонгуулийн дүнг хүлээн зөвшөөрөөгүй бөгөөд тус улсад эсэргүүцлийн жагсаал өрнөөд байгаа билээ.