Хятадын халамцуу ханхүү нарын зураг 40 сая ам.доллароор зарагджээ

Хятадын халамцуу таван ханхүүгийн хуйлмал зураг Хонконгийн “Sotheby’s” дуудлага худалдаагаар 41.8 сая ам.доллароор зарагджээ. Зургийн анхны үнийг 10-15.5 сая ам.доллароор тогтоосон байна.

“Харьж яваа морь унасан халамцуу таван ханхүү”-г дүрсэлсэн хоёр метр урт зургийг XIV зууны Хятадын алдарт зураач Рен Ренфен бүтээжээ. Хааны ордны зураач байсан түүний бүтээлүүдийн /нийт 21 зураг зуржээ/ ихэнх нь музей, хувийн цуглуулгад хадгалагддаг байна. Хуйлмал зураг эзэн хааны цуглуулгад байсан бөгөөд хэд хэдэн хааны тамгын дардас бий. Зурагт морь унасан таван ханхүүг дөрвөн зарцын хамтаар дүрсэлжээ. Ханхүү нарын нэг Ли Лунзи хожим нь Тан улсыг хамгийн удаан хугацаанд захирсан Шуаньзун эзэн хаан юм.

1922 онд “Харьж яваа морь унасан халамцуу таван ханхүү” зургийг Чин улс нуран унасны дараа Хятадын сүүлчийн эзэн хаан Пү И хориотой хотоос авч гарчээ.