Мөнгөний нийлүүлэлт 6.4 их наяд төгрөгөөр өсжээ

Mөнгөний нийлүүлэлт энэ оны дөрөвдүгээр сарын эцэст урьдчилсан гүйцэтгэлээр 26.6 их наяд төгрөг болж, өмнөх оны мөн үеэс 6.4 их наяд төгрөг буюу 31.4%-иар өссөн гэж ҮСХ-ноос мэдээллээ. Ингэж өсөхөд:

• Валютын хадгаламж 0.7 (19.9%) их наяд төгрөгөөр

• Төгрөгийн хадгаламж 4.1 (38.6%) их наяд төгрөгөөр өссөн нь нөлөөлжээ.

Гүйлгээнд гаргасан бэлэн мөнгө дөрөвдүгээр сарын эцэст 1 их наяд төгрөг болж, өмнөх сараас 78.2 тэрбум төгрөг буюу 7.8%-иар, өмнөх оны мөн үеэс 225.7 тэрбум төгрөг буюу 26.3%-иар өсжээ.

Төгрөгийн хадгаламж дөрөвдүгээр сарын эцэст 14.7 их наяд төгрөг болж, өмнөх сараас 524.1 (3.7%) тэрбум төгрөгөөр, өмнөх оны мөн үеэс 4.1 (38.6%) их наяд төгрөгөөр өссөн.

Төгрөгийн хадгаламжийн 88.6% буюу 13 их наяд төгрөг нь иргэдийн хадгаламж, 11.4% буюу  1.7 их наяд төгрөг нь аж ахуйн нэгж, байгууллагын хадгаламж байна.

Валютын хадгаламж 4.5 их наяд төгрөг болж, өмнөх сараас 122.3 тэрбум төгрөг буюу 2.8%-иар, өмнөх оны мөн үеэс 747.0 тэрбум төгрөг буюу 19.9%-иар өсжээ.