“Apple” компани зах зээлийн үнэлгээгээрээ түүхэнд бичигдэв

АНУ-ын технологийн “Apple” компани зах зээлийн үнэлгээ нь гурван их наяд ам.долларын босгыг давсан түүхэн дэх анхны компани болжээ.

Нью Йоркийн биржийн даваа гарагийн арилжаагаар тус компанийн нэгж хувьцааны үнэ 182.85 ам.долларт хүрч, гурван хувиар нэмэгдсэний дүнд зах зээлийн үнэлгээ нь гурван их наяд ам.долларыг давсан байна. Хожим нь хувьцааны үнэ 182.52 ам.доллар болж буурснаар зах зээлийн үнэлгээ нь мөн гурван их наяд ам.доллароос буурчээ.

“Apple” компани 1976 онд үүсгэн байгуулагджээ.