Францын Ерөнхий сайдаар ижил хүйстэн Габриэль Атталь томилогдов

Францын Ерөнхийлөгч Эммануэль Макрон боловсролын сайд Габриэль Атталийг /34 настай/ ерөнхий сайдын албан тушаалд томилжээ. Өнгөрсөн даваа гарагт /2024.01.08/ Францын Ерөнхий сайд Элизабет Борн огцорсон билээ.

Атталь нь засгийн газрын тэргүүнээр томилогдсон Францын түүхэн дэх хамгийн залуу бөгөөд анхны ижил хүйстэн болж байна. Габриэль Атталь 2007 онд Социалист намд элсэж улс төрийн карьераа эхлүүлжээ. 2014 онд тэрбээр Ванва хотын зөвлөлд сонгогдон, 2017 онд парламентын доод танхимын гишүүнээр сонгогджээ. 2020 онд Ванва хотын зөвлөлд дахин сонгогдож, 2018-2020 оны хооронд Үндэсний боловсрол, залуучуудын асуудал эрхэлсэн яамны төрийн нарийн бичгийн даргаар ажиллаж байв. 2020 оны долоодугаар сард Макроны санал болгосны дагуу Францын засгийн газрын төрийн нарийн бичгийн дарга, албан ёсны төлөөлөгчийн албан тушаалыг хашжээ. 2023 оны долоодугаар сарын 20-нд Атталь үндэсний боловсрол, залуучуудын хэрэг эрхлэх яамыг тэргүүлж байжээ.