Сар шинийн баярыг тохиолдуулан ахмадууддаа хүндэтгэл үзүүллээ

Стандарт, хэмжил зүйн газраас “Хилэнт эх” хэмээх Модон луу жилийн сар шинийн баярыг угтан өнөөдөр /2024.02.08/ Стандарт, хэмжил зүйн салбарт ажил амьдралаа холбосон ахмадуудаа хүлээн авч хүндэтгэл үзүүллээ.

Энэхүү арга хэмжээнд СХЗГ-ын дарга С.Батбаатар, даргын зөвлөлийн гишүүд болон 100 гаруй ахмад настнууд оролцсон юм.

Энэ үеэр СХЗГ-ын дарга С.Батбаатар ахмадууддаа мэндчилгээ дэвшүүлж, Захиргаа удирдлагын газрын дарга Б.Ууганбаяр 2023 онд Стандарт, хэмжил зүйн газраас хийж хэрэгжүүлсэн онцлох ажлыг танилцуулсан бол Ахмадын зөвлөлийн дарга Ц.Нэргүй ахмад ажилчдыг төлөөлж үг хэлэв.

Түүнчлэн СХЗГ-ын үйл ажиллагаанд ахиц дэвшил гарган үр бүтээлтэй ажиллаж бусдыгаа манлайлсан СХЗГ-ын ахлах мэргэжилтэн Ч.Пүрэвдуламыг Хөдөлмөрийн хүндэт медалиар шагнаж урамшууллаа.