Нетаньяху: Израил энхийн төлөөх шахалтаас татгалзаж байна

Израилийн Ерөнхий сайд Биньямин Нетаньяху “Палестинтай энх тайван тогтоох асуудлаарх олон улсын шахалтаас эрс татгалзаж байна” гэж X сошиал хуудсаараа дамжуулан мэдэгджээ.

Түүний хэлж буйгаар ийм тохиролцоонд талуудын хоорондын шууд яриа хэлэлцээний тусламжтайгаар л хүрэх боломжтой аж. Урьдчилсан ямар нэгэн нөхцөлгүйгээр хэлэлцээ хийх хэрэгтэй байгааг Израилийн Ерөнхий сайд хэлсэн байна.

Түүнчлэн Израил Каираас барьцааны хүмүүсийн асуудлаарх ХАМАС-ын шинэ санал хүлээж аваагүй гэдгээ мэдэгдсэн юм.

Зарим хэвлэлийн мэдээлж буйгаар Б.Нетаньяху Израилийн төлөөлөгч нарт Каир дахь уулзалт дээр зүгээр л сонсохыг тушаасан байна.