Израил 50 палестин хоригдлыг суллав

Израил тус улсад хоригдож байсан Палестины 50 хоригдлыг сулласан тухай “Al Mayadeen” суваг мэдээлжээ. Суллагдсан палестинчуудыг Газын зурвасын хойд хэсгийн “Зиким” хилийн боомтоор гаргасан ба тэднийг “Камаль Адван” эмнэлэгт шилжүүлсэн байна.

Палестины талын мэдээллээр, 2023 оны аравдугаар сарын 7-оос хойших хугацаанд Иордан голын баруун эрэгт Израилын талд саатуулагдсан палестинчууд 9.1 мянгыг даваад байна.