ӨГЛӨӨНИЙ МЭНД!

Өнөөдөр 2024.09.03. Энэ жилийн 247 дахь өдөр ба он дуустал 119 хоног үлдлээ.

Монгол эх оронд маань нар 06 цаг 13 минутад мандаж, 19 цаг 30 минутад жаргана.

Улаанбаатар хотод цэлмэг. Өдөртөө 19 градус дулаан, шөнөдөө 6 градус дулаан байна. Та хувцсаа тохируулж өмсөөд гараарай.

Өнөөдөр БНХАУ-д Зэвсэгт хүчний өдөр бол Австралид Төрийн далбааны, Молдавд Үндэсний армийн, Катарт Тусгаар тогтнолын, ОХУ-д Терроризмтой тэмцэх өдрийг тэмдэглэж байна.

Энэ өдөр Францын кино найруулагч Жан-Пьер Жёне, Их Британийн рок гитарчин, дуучин Стив Жонс, Америкийн кино жүжигчин Чарли Шин, Турк, Америкийн эдийн засагч Дарон Акемоглу, Бразилын хөл бөмбөгч Жулио Сезар Соарес Эспиндола, Америкийн жүжигчин Гаррет Жон Хедлунд, Германы хөл бөмбөгч Жером Боатенг зэрэг алдартан төрсөн өдрөө тэмдэглэж байна.

Энэ өдөр Монгол Улсын түүхэнд болсон онцлох үйл явдлууд:

1926 оны энэ өдөр Шашныг төрөөс тусгаарлах тухай хууль батлагджээ. Энэхүү хуулиар хутагт хувилгаадыг тодруулах, залах явдлыг эрс хориглож, том лам нарыг үе уламжлан залгамжлах эрхийг нь хасав.

1939 оны энэ өдөр Японы квантуны арми Халх голын нутаг дэвсгэрт төлөвлөж байсан сөрөг давшилтаа зогсоожээ.

1990 оны энэ өдөр АИХ-ын 12 дахь удаагийн сонгуулийн анхдугаар Их хурал эхэлжээ. Хурлаар БНМАУ-ын Ерөнхийлөгчөөр П.Очирбат сонгогдов. Мөн Их хурлаар БНМАУ-ын Дэд ерөнхийлөгч, Улсын Бага хурлын даргаар Р.Гончигдоржийг, Ерөнхий сайдаар Д.Бямбасүрэнг сонгожээ.

2014 оны энэ өдөр ОХУ-ын Ерөнхийлөгч Владимир Путин Монголд айлчлав. Ерөнхийлөгч Ц.Элбэгдорж, В.В.Путин нар Төрийн ёслол, хүндэтгэлийн гэр өргөөнд ганцаарчилсан уулзалт хийсэн билээ. Талууд энэ үеэр харилцан визгүй зорчих хэлэлцээрт гарын үсэг зурсан юм.

Энэ өдөр дэлхий дахинд болсон онцлох үйл явдлууд:

1953 оны энэ өдөр Никита Хрущёв ЗХУ-ын Коммунист намын төв хорооны нарийн бичгийн даргаар сонгогджээ.

1984 оны энэ өдөр “Iron Maiden” «Powerslave» цомгоо гаргав.

2009 оны энэ өдөр Лос-Анжелест Майкл Жексоныг оршуулах ёслол болов.

2015 оны энэ өдөр Хятадын нийслэл Бээжин хотын Тяньаньмэнь талбайд Японы эзэнт гүрнийг ялсны 70 жилийн ойн жагсаалд 49 орны 12 мянган цэрэг оролцжээ.

Билгийн тооллын давхарласан 30.Энэ өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу. Хол газар яваар одогсод хойш мөрөө гаргавал зохистой.

Өнөөдөр үс засуулбал эрлэг лугаа учирна.

Өнөөдрийн ажилд тань амжилт хүсье!