Ахмад тамирчин Т.Цэрэндолгор ДАШТ-аас гурван алтан медаль хүртлээ

 Унгарын нийслэл Будапешт хотноо болсон хөнгөн атлеткийн ахмадын ДАШТ-ээс манай 76 настай тамирчин Т.Цэрэндолгор гурван алтан медаль хүртсэн байна.

Тэрээр  бөөрөнцөг, жад, зээрэнцэг гэсэн гурван төрөлд өрсөлдсөн бөгөөд төрөл бүртээ тэргүүлж гурван алтан медалийн эзэн болсон байна.

Дээрхи тэмцээнд дэлхийн аварга шалгаруулах тэмцээнд 72 орны 426 ахмад мастерууд оролцсон юм.

Дашрамд дуулгахад Т.Цэрэндолгор Бельгид зохион байгуулагдах Дэлхийн цомын аварга шалгаруулах тэмцээнд оролцохоор Будапешт хотоос Брюсель хот руу мордсон баяртай мэдээлэл байна.